Хамгийн зөв арга бол цөмөрч болзошгүй гол дээгүүр явахгүй байх. Гэхдээ амьдралд юу ч тохиолдож болзошгүй тул бид та бүхэнд мөс цөмөрч усанд унасан тохиолдолд амиа аврах аргаас хуваалцаж байна.
Сандрахгүй байх. Толгойгоо уснаас ил гаргаж тусламж дууд
- Сандрах хэрэггүй. Живж байсан ч сандрах хэрэггүй. Учир нь ус таныг буцаагаад түлхэх болно.
- Аль болох толгойгоо ил байлгах нь чухал.
- Тийчлэх, гарах гэж оролдох хэрэггүй. Та хүчээ алдана. Харин дугуй жийж буй мэт хөдөлгөөн хийх хэрэгтэй.
- Удаан, гүнзгий амьсгаа ав.
- Тусламж дууд.
Ирсэн зүг рүүгээ хар. Учир нь таны явсан хэсгийн мөс зузаан байгаа
- Үүргэвчтэй эсвэл пальтотой бол тайл. Хэрвээ хувцас тань хүнд биш бол тайлах гэж цагаа үрэх хэрэггүй.
- Ирсэн зүг рүүгээ харан, гарах гэж хичээ. Цөмөрсөн хэсгийн мөс нимгэн байх хэдий ч таны явсан хэсгийн мөс илүү зузаан байгаа.
- Ирсэн зүг рүү харж аль болох хол зайд гараа тавин гарах гэж хичээ.
Мөсөн дээр гэдсээ тавиад өөрийгөө уснаас гарга
- Гараараа мөс тулан гэдсээ мөсөн дээр тавиад уснаас өөрийгөө гарга. Хөлөө өргөн, хэвтээ байрлалд очих гэж хичээ.
- Өөр нэг арга: Баруун гараа мөр хүртэл нь уснаас гаргасны дараа баруун хөлөө мөсөн дээр гаргана. Дараа нь зүүн хөлөө мөсөн дээр гаргана. Энэ мэтээр гаргасны дараа биеэ татаж мөснөөс гарна.
- Нуруугаараа мөсөн дээр гарах. Үүнийг хийхийн тулд толгойгоо өргөн мөсөн дээр тавьж, гараараа тулан хөлөөрөө түлхэнэ.
Хөл дээрээ зогсолгүйгээр аюултай газраас холд
- Мөсөн дээр гарч ирсэнийхээ дараа шууд хөл дээрээ зогсох хэрэггүй. Мөс дахин цөмрөх аюултай.
- Аюултай газраас холдохын тулд цааш өнхөр.
Өөрийн ирсэн зүг рүүгээ буцаад мөлх
- Та явж ирсэн зүг рүүгээ мөлхөх нь илүү найдвартай. Учир нь та тэр хэсгээс алхаж ирсэн шүү дээ.
- Эрэг дээр гарч ирснийхээ дараа хөлдөхгүйн тулд хурдан гүйж, дулаан газар орох хэрэгтэй.
Нойтон хувцасаа тайлж, дулаан хувцас өмс
- Нойтон хувцасаа тайлан, дулаан хөнжил нөмрөн, халуун зүйл уугаарай.
- Халуун усанд орж болохгүй. Зүрх зогсох аюултай. Аажмаар дулаацах хэрэгтэй.
- Дулаан газар олдохгүй гэж үзвэл хувцасаа мушгиарай.
- Аль болох хурдан хугацаанд эмчид хандаарай.
