Өөрийгөө болон өрөөл бусдын талаар илүү ихийг мэдэхийг хүсэж байвал 1 минут байхад л хангалттай.
Үүний баталгаа болгож танд дараах тестийг санал болгож байна.
Танд хамгаас их таалагдах дүрсийг сонгоно уу.
Дүрс болгон тухайн хувь хүний шинж чанарыг агуулсан байна.
Дөрвөлжин
Логик сэтгэлгээтэй, перфекционист. Чанд хатуу, авхаалж самбаа, аливаа асуудлыг хурдан хүлээж авах чадвар өндөртэй тул ямар ч салбарт амжилт гаргана. Зарим нэг хүмүүс таныг сэтгэл хөдлөлгүй, хөндий хүйтэн бөгөөд хуучинсаг үзэлтэн гэж үнэлэх нь бий.
Гурвалжин
Өөртөө итгэлтэй, эрч хүчтэй, өөрийн үзэл бодлыг бусдад ойлгуулах чадвартай тул та удирдагч байдаг. Тодорхой асуудалд төвлөрдөг бөгөөд зорилгодоо хүрнэ. Өөрийнхөө алдааг хүлээн зөвшөөрөх тал дээр сул.
Тэгш өнцөгт
Амьдралын нөхцөл байдал танд нэг их таалагддаггүй учраас та өөрчлөхийг мөрөөддөг. Өөрийгөө дээшлүүлэх, шинэ мэдлэг авах эрмэлзэл, зоригтой шийдвэр гаргах чадвар – зорилгодоо хүрэх хувь хүний сайхан шинж чанарууд танд бий.
Тойрог
Эвтэй, сэтгэл хөдлөл өндөртэй. Бусдыг сонсож чадна, сэтгэл тань өвдөнө. Таны сайхан сэтгэлийг хүмүүс үнэлнэ. Хүн болгонд тааламжтай сэтгэгдэл үлдээх чармайлт, шийдэмгий бус байдал тань таны сул тал болов уу.
Зиг заг
Эрх чөлөөг мэдрэгч, бусдын санаа бодлыг дагахыг хүсэхгүй зөвхөн өөрийнхөө сонгосон замаар явахыг хүсдэг. Аливаа асуудалд уран бүтээлч сэтгэлгээгээр хандана, бүх талаараа төгс байхыг хүснэ. Заримдаа биеэ барих чадвараа алддаг.
