Ганц ч удаа болов хамар нь битүүрч үзсэн хүн ямар тааламжгүй мэдрэмж төрдгийг сайн ойлгоно. Аль болох л хурдан хамраа онгойлгохыг л хүснэ.
Та бүхэнд битүү хамар онгойлгох үр дүнтэй аргуудыг танилцуулахаар бэлдлээ.
Хөмсөгний дунд цэгт иллэг хийх
Хөнгөн гэхдээ идэвхтэй иллэгийг 1 минутын турш хийнэ.
Уг иллэг нь хамрын хөндийд нөлөөлдөг байна:
- Хамрын хөндий хатах, үрэвсэхээс хамгаална
- Хамрын хөндийд ирэх ачааллыг багасгана
- Эмчилгээний иллэг болно
Хамрын хоёр талд иллэг хийх
Долоовор болон дунд хуруугаар хамрын хоёр талд 1-2 минутын турш зөөлөн иллэг хийнэ. Хамрын битүү арилж, нус нийхэд амар болно.
Уруул, хамрын дундах цэг дээр илэх
Дээд уруул болон хамрын дунд байрлах цэг дээр зөөлөн иллэгийг 2-3 минутын турш хийнэ.
Чийгшүүлэгч ажиллуулах
Агаарын чийгшил 40%-иас бага байгаа тохиолдолд хамрын хөндий хуурайшиж чөлөөтэй амьсгалахад бэрхшээл учруулдаг. Чийгшил бага, хамрын битүүрэл ихтэй байвал нянгийн үрэвсэл явагдаж хүндэрч болно. Чийгшлийн боломжит хэмжээ бол 40-60%.
Хамартаа бүлээн жин тавих
Бүлээн алчуур (богино долгионы зууханд халаах эсвэл халуун усанд дүрж болно) аваад бүлээн жин тавина. Бүлээн орчин нусыг шингэрэхэд нөлөөлдөг. Бүлээн жингээ тавьж дуусгаад нусаа нийх эсвэл хамрын дусаалга дусаана.
Харшлын гаралтай ханиад бол биеийн тамираар хичээллэнэ
Зүрхний цохилт нэмэгдэхийн хэрээр бие халууныг ихээр ялгаруулна, энэ нь хамрын хөндийд эерэгээр нөлөөлөх ажээ. Өөрөөр хэлбэл нусаа нийхэд хамаагүй амархан болно. 15 минут дасгал хийхэд харшлын гаралтай ханиадыг эмчлэхэд нөлөөлдөг байна (харшил үүсгэгчээс салахаа мартаж болохгүй).
