in ,

Хүмүүсийн төдийлөн мэддэггүй вазелины 21 ашигтай хэрэглээ

Гоо сайхны арчилгаанд үнэтэй бус гэхдээ үр дүнтэй бүтээгдэхүүн ашиглахыг бүсгүй хүн бүр л хүснэ. Энэ удаад та бүхэнд вазелины хэрэглээг зөвхөн гоо сайхны хэрэгцээнд бус өөр аргаар ашиглах боломжтойг танилцуулахаар бэлдлээ.

 

Арьсанд

  • Авто шарлага. Бронзатор крем түрхэхээсээ өмнө тохой, өвдөгтөө вазелин түрхээрэй. Крем жигд түрхэгдэж таны арьс ч гэсэн жигд борлоно.
  • Зөөлөн цэвэрлэгээ. Вазелиныг байгалийн гаралтай скрабтай (далайн давс, кофе …) хольж биеэ скрабдаарай.
  • Үнэрээ удаан хадгалах. Үнэртэй ус түрхэхээсээ өмнө арьсандаа тос түрхээрэй. Сайн шингэж үнэрээ удаан хадгалах болно.
  • Хүүхдийн арьс арчилгаа. Хүүхдийн арьсыг цочроохгүйн тулд памперс өмсгөхөөсөө өмнө вазелин түрхээрэй. Тос түрхэхээсээ өмнө хүүхдийн биеийг угааж бүрэн хатаасан байна. Түрхсэн тос нь памперсийн чийгнээс хамгаалах давхарга болох ажээ.

 

Нүүр

  • Чийгтэй нүүр будалт. Тен түрхэхээсээ өмнө бага зэргийн вазелин түрхээрэй. Будаг удаан тогтохоос гадна бага зэргийн гялалзаж байгаа мэт харагдуулна. Вазелин нь эмзэг арьсыг цочроохгүй. Эмч нар нүдний зарим нэг мэс заслын үеэр вазелин хэрэглэдэг ажээ.
  • Хөмсөг. Хөмсөг цэвэрлэх сойзон дээрээ бага зэргийн вазелин түрхэж хөмсгөө зөөлөн самнана. Тос хатахад хөмсөг хэлбэржин өтгөн харагдах ажээ.
  • Сормуус. Унтахаасаа өмнө сормуусаа тослоорой: хэсэг хугацааны дараа таны сормуус бүдүүн, урт болсон байхыг та мэдрэх болно.
  • Нүүрний будаг арилгах. Будаг арилгах хөвөндөө вазелин түрхээд нүүрээ арчаарай. Усанд тэсвэртэй будгийг хүртэл төвөггүй арилгана. Чанарын шаардлага хангасан вазелин байнга хэрэглэснээр үрчлээнээс ч сэргийлэх боломжтой.
  • Уруул. Уруулын будаг болгон ашиглаж болно. Энэ тохиолдолд уруул хагарч, хуурайшихгүй. Вазелин дээр бага зэргийн цинамон хийхэд таны уруул улам хөвсгөр болж харагдах болно.

 

Үс

  • Хэлбэржүүлэгч. Хурууныхаа өндөг дээр бага зэргийн вазелин авч үсэндээ түрхэн хэлбэржүүлээрэй. Бусад гоо сайхны бүтээгдэхүүний адил хэмжээг нь тааруулахаа мартаж болохгүй.
  • Салаалсан үсийг сэргээх. Хуурай үснийхээ үзүүрт түрхээд 15-20 минут байлгаарай. Хэд хэдэн удаагийн түрхэлтээс хойш үсний салаа арилж өнгө нь сэргэх болно.
  • Үсний маск. 1-2 халбага вазелин (үсний уртаас шалтгаална)-ыг бага зэргийн эфирийн тостой хольж үснийхээ нийт уртад түрхэнэ. 1-2 цагийн дараа үсээ угаана. Вазелиныг бүрэн арилгахын тулд угаахаасаа өмнө цаасан алчуураар үсээ арчаарай.
  • Будахдаа үсээ хамгаалах. Үсээ будахдаа үсэндээ вазелин түрхээрэй.

 

Хумс

  • Цэвэрхэн будалт. Хумсаа будахаасаа өмнө хумсны толинд хүргэлгүйгээр зөвхөн маханд нь вазелин түрхээрэй.
  • Мах арчилгаа. Унтахаасаа өмнө хумсны маханд вазелин түрхэнэ. Мах хуурайшиж хагарахаас урьдчилан сэргийлнэ.
  • Гялалзсан хумс. Хумсны толийг байнга вазелинаар арчаад байвал хумс бэхжиж илүү өнгөлөг болно.

 

Ахуйн хэрэглээнд

  • Өнгө сэргээх. Арьсан болон хиймэл арьсаар хийсэн гутал, цүнх, түрийвч зэргийн өнгийг сэргээнэ. Арьсан дээрээ нимгэн түрхээд хэдэн секундын дараа сайтар арчаарай.
  • Гацсан цахилгаан. Бага зэргийн вазелин түрхэхэд гацсан цахилгаан зүгээр болно. Үүнээс гадна тавилганы хаалга, товч, точвлуурыг ч хэвийн ажиллагаатай болгох ажээ.
  • Гадаргуу өнгөлөх. Даавуун дээр бага зэргийн вазелин түрхээд модон тавилгын гадаргууг зүлгэж арчаарай. Тавилга өнгө ороод зогсохгүй тоосыг түлхэх тул нэг хэсэгтээ л гялалзах болно.
  • Толбо арилгах. Хэрвээ хувцсан дээрээ уруулын будаг эсвэл нүүрний суурь будагны толбо болгосон бол тэр хэсэг дээрээ бага зэргийн вазелин түрхээд хэсэг хугацааны дараа угаагаарай.
  • Хумсны будаг. Хумсны будагны таглааг шилтэйгээ наалдахаас урьдчилан сэргийлэхийг хүсвэл таглааны дотор хэсгийг эсвэл шилэн савны гадна амсрыг вазелинаар тослоорой.

Leave a Reply

Your email address will not be published.