Таны амьдралд орж ирсэн хүмүүс зүгээр нэг тохиолдол байдаггүй. Ихэнхдээ тэдгээр хүмүүс таны дотор гүн хорогдсон асуудал, сэтгэлийн шаналалыг танихад тусалдаг юм. Ямар эр хүнтэй харилцаа холбоо үүсгэдэг вэ гэдгээр чинь таны дотор юу болоод байгааг олж мэдэж болдог аж.
1. Нарцисс
Та түүний дур булаам байдал, амжилт руу тэмүүлсэн зан чанар мөн сайхан дүр төрхөнд нь дурласан байх. Цаашлаад бал бурам шиг хэл яриа нь түүнийг мартахад хэцүү болгосон гэдэгт ч эргэлзэхгүй байна.
Хэрэв та иймэрхүү эр хүнтэй болзож учирдаг байсан бол та болоод таны хайртай залуу нарцисс гэсэн үг юм. Түүнд татагдсан шалтгаан нь та түүнээс өөрийгөө олж хардаг байсан гэж болно. Нарциссууд өөртөө хайртай, их зантай бөгөөд төгс төгөлдөрт тэмүүлэгчид байдаг.
Ийм харилцаанд орсон хүмүүст тайван, тухтай байна гэдэг ойлголт байдаггүй. Тэдний хувьд хайрлах, үзэн ядах гэдэг ойлголтууд зэрэгцээ байдаг. Нэг нэгнээ санаж байгаад хормын дараа хамт байж чадахгүй гэж орилдог хүмүүс. Тийм ч учраас иймэрхүү хосуудад ирээдүй байдаггүй.
2. Сэтгэл хөдлөл багатай
Тэр танд өөрийнхөө тухай ярих сонирхолгүй байдаг. Шийдэмгий биш бөгөөд байн байн уучлалт гуйдаг. Өнгөрсний тухай ярих дуртай. Танд хайртай гэж хэлчихээд хэдхэн агшны дараа үерхэхэд бэлэн биш байна гэж хэлдэг үү?
Хэрэв тийм бол та өөрийгөө ихийг хүртэх эрхгүй гэж боддог гэсэн үг. Энэ нь бүтэлгүйтсэн дурлал аль эсвэл бага байхдаа хангалттай дэмжлэг, хайр халамж аваагүйгээс болдог байна. Ингээд л та өөрийгөө дутуу үнэлэх болсон хэрэг.
Энэ байдлаасаа салахыг хүсэж байвал урьд өмнө болсон бүхнийг мартаж, таныг гомдоосон хүмүүсийг уучлах хэрэгтэй.
3. Өөртөө итгэлгүй залуу
Тэр үргэлж өөрийгөө бусдаас доогуур гэж боддог. Өнгөлж янзлаагүй үнэт чулуу шиг ийм хүмүүст чадвар нь байгаа гэдгийг өөрөөс нь бусад хүмүүс бүгд мэдэж байдаг. Тэр танд яг л эхлүүлээгүй ажил шиг санагддаг.
Хэрэв та ийм төрлийн хүнтэй байгаа бол та үерхэлдээ хэтэрхий их цаг зарцуулдаг гэсэн үг. Та харилцаагаа нураахгүй, хэвийн байлгахын тулд бүхнийг хийдэг. Үүнээс болж та хоёрын үүрэг солигдсон гэсэн үг юм.
Ихэнхдээ ийм төрлийн харилцаанд орсон эмэгтэйчүүд айлын том байдаг. Эсвэл та энэ зан чанараасаа огт салж чаддаггүй гэсэн үг. Бүх зүйлийг хяналтанд байлгах гэж оролдолгүйгээр хамтрагчдаа жолоогоо атгуулах хэрэгтэй.
4. Тогтворгүй эрчүүд
Түүний амьдрал өчнөөн зуурдын романаар дүүрэн байсан. Ганц ч удаа гэрлэж байгаагүй. Яагаад одоог хүртэл гэрлээгүй гэдгээ маш олон янзаар тайлбарладаг. Түүний яриа үргэлж “Би хэзээ нэгэн цагт гэрлэнэ” гэж дуусдаг.
Яагаад танд ийм эр хүн таарсан бэ гэж үү? Яагаад гэвэл танд анхаарал хэрэгтэй байгаа. Эр хүний л анхаарлыг татаж байгаа бол хэн байх нь хамаагүй. Таны энэ байдлыг олж харсан эр хүн таныг ашиглахыг хүсэх болно. Мэдээж тэр таньтай гэрлэхгүй.
Энэ нь бас л урьд өмнө нь болсон ямар нэг зовлон, бага насандаа халамжаар дутсантай холбоотой. Ийм эрчүүдээс хол байхын тулд өөрөө өөртөө анхаарал хандуулж өөрийгөө хүндэлж сурах хэрэгтэй.
5. Хануур хорхой
Үргэлж таниас шаарддаг хэрнээ хариуд нь юу ч өгдөггүй.
Төд удалгүй та өөртөө итгэлгүй болж, өөрийгөө үнэлэх үнэлэмж тань буурах болно. Харин таны сайхан бүхнийг сорж байгаа тэр залууд энэ бүхэн түүнээс танд өгч байгаа бэлэг мэт л байх болно.
Өөртөө итгэлтэй эмэгтэйчүүдэд иймэрхүү эрчүүд ойртож чаддаггүй.
6. Дээрэлхүү залуус
Тэд таны хийгээгүй зүйл дээр хүртэл буруутгадаг. Чамтай яг л жаахан охинтой харьцаж байгаа юм шиг ярьдаг. Бусдаас тусламж гуйхдаа шаарддаг. Чамайг үргэлж шүүмжилдэг.
Та хоёр хувийн орон зайгаа тодорхойлоход бэрх байдаг. Мэдээж чи асуудал үүсгэхийг хүсэхгүй байгаа учраас үргэлж доромжлуулж, зай тавьж өгдөг.
Энэ нөхцөлд хэн юун дээр хариуцлага үүрэх вэ гэдгээ тодорхойлох хэрэгтэй. Ингэснээр нэг бол та хоёрын харилцаа засарна, үгүй бол сална. Дээрэлхүү хүмүүс өөрийн байр сууриа алдаж эхлэхэд явах цаг болсон гэж үздэг.
7. Аймхай
Тэр үргэлж бусдын хэлсэнтэй санал нийлдэг. Өөрийгөө үнэлдэггүй. Өөртөө итгэх итгэл байдаггүй. Өөрийн бодол, өөрийн хүслээ илэрхийлж чаддаггүй.
Яагаад чи ийм хүнтэй байгаа юм бэ гэж үү? Яагаад гэвэл та захирах дуртай. Ийм эр хүн таны хэрэгцээг бүрэн хангаж чадна. Хүнийг удирдаж, захирч чадна гэдгээ бүрэн харуулах боломж юм.
Харамсалтай нь ийм залуус жинхэнэ эр хүн болох нь ховор байдаг. Тиймээс бүхнийг захирах гэж оролдох нь тийм ч сайн зүйл биш болов уу.
8. Хүний эр хүн
Тэр эхнэртэй аль эсвэл найз охинтой. Эхнэрээсээ тусдаа амьдардаг ч салаагүй л бол эхнэртэй гэсэн үг гэдгийг санаарай.
Ийм хүнтэй байгаа л бол та өөрийгөө тун хямдхан үнэлж байна гэсэн үг. Энд өөрийгөө зөвтгөх арга байхгүй. Өөртөө хайргүй хүн л ийм байдалд ордог. Хүнийг хуурч байгаа хүнтэй уулзаж учирна гэдэг бол өөрийгөө хуурч байгаа хэрэг.
Ганц л арга зам бий. Харилцаагаа тасал. Удахгүй эхнэрээсээ сална гэж байсан ч түүнээс холдож үз.
