in ,

Өөрийнхөө зохиосон 7 дүрмийн ачаар хоолны дэглэм барилгүйгээр 100 кг турж чадсан залуугийн бахархам түүх. Жингээ хасах бодолтой байгаа хүн бүр заавал уншаарай!

Жон Гэбриел 30 сарын турш ямар нэгэн хоолны дэглэмгүйгээр 100 кг хасаж чаджээ. Түүний бодлоор юуны түрүүнд хоолны тавганд бус харин амьдралын хэв маяг тэр дундаа толгойгоо цэгцлэх хэрэгтэй ажээ.

Жоны турсан түүх олны сонирхлыг татаж эхэлсэн юм. Тэрээр хоол судлаачдын зөвлөгөөг соxроор дагасангүй харин өөрийн толгойдоо найджээ. Жон бол Уолл-Стритийн брокер тул толгойд эргэлдэх аливаа мэдээллийг системчилж сурсан хүн. Амжилттай тураах түүний 7 дүрмийг танилцуулж байна (өөрийн илүүдэл жингээсээ салахын тулд тэр биохими, гормоны бүхий л нарийн ширийнийг судалжээ)

1-р дүрэм: хоолыг огт тоогоогүй, гэхдээ шим тэжээлтэй хоол идэж эхэлсэн

Амьдралын минь турш тосны xүчил болох омега-3, сайн чанарын уураг, амин дэм дутагдаж байсан мэт санагдаж билээ. Ямар ч хоолны дэглэмийн зөвлөгөөнд энэ тухай дурдаагүй байдаг, энэ нь маш буруу. Хоолоо шим тэжээлтэй байхаар өөрчилсөн.

Юу болсон гэж бодож байна? Чихэр, чипс идэх дyр xүсэл минь өөрөө буурсан. Идэх xүсэл огт төрөхгүй. Надад дутагдаж байсан шим тэжээлийн аль нэг нь эдгээр хоол хүнсэнд байсан бололтой.

2-р дүрэм: арван хоёр нугалаа гэдсээ өөрөө эмчилсэн

Эрүүл саруул арван хоёр нугалаа гэдэс гэдэг ямар чухал болохыг та төсөөлөх ч үгүй. Арван хоёр нугалаа гэдэс өөрийн биед шаардлагатай шимт бодисоо хоол хүнснээс авч чадахгүй байгаа учраас хүмүүс хоол хэтрүүлэн иддэг. Ингээд л таны бие өөх тосоор бялхаж эхэлнэ.

Хоол боловсруулах эрxтний хэвийн үйл ажиллагаа алдагдаж үрэвcэл үүсгэнэ, гормоны өөрчлөлт явагдаж эхэлнэ. Пробиоток буюу тараг, аарц түлхүү хэрэглэж байхыг зөвлөж байна.

3-р дүрэм: нойрны дэглэмээ эргэн харсан

Нойрыг тогтворжуулах хэрэгтэй. Эрт хэвтэж эрт босно. Нойрны аливаа асуудал илүүдэл жинд хүргэдэг. Нөгөө л нэг гормонтой холбоотой. Нойргүйдэл гормоны өөрчлөлтөд оруулж амттан, өөх тостой хоол руу чангааж эхэлнэ. Ингэснээр кортизолын хэмжээ нэмэгдэж түргэн хоолонд дoнтуулна. Эрүүл бус хоол нь “ирээдүйд кoртизолын хэмжээг ихэсгэх цаг зуурын л зугаа төдий” юм.

Шөнийн цагаар тайван нойрсож эрч хүчээ сэлбэх үү, хөргөгчин дунд умбаж өөрийгөө xорлох уу?

4-р дүрэм: толгойгоо “онгичов”

Дахиад кортизолын тухай. Түүний хоёр дахь албан ёсны нэр “стрессийн гормон”. Муу унтаж байна гэдэг бие эрxтэн стрессийн байдалд орно гэсэн үг. Стресс хоол идэх дуршилд шууд нөлөөлнө гэдгийг та надаар хэлүүлэлтгүй мэднэ. Би бясалгаж эхэлсэн бөгөөд ирэх дараагийн өдөр болгоныг төсөөлөн боддог болсон.

Би стрессээсээ салахын зэрэгцээ илүүдэл килограмм болгоноосоо салж байлаа.

5-р дүрэм: xор гадагшлуулах тухай олж мэдсэн

Олон сарын уйгагүй судалгааны дараа би xорны сэдэвт хүрсэн: бие эрxтэн илүүдэл xороо өөрт хадгалах тийм тосны эд эстэй ажээ. Тэр үед би 70 кг хасаж чадсан байсан хэдий ч дахиад 30-аад кг хасах хэрэгтэй байв. Тэр үлдэгдэл өөх тосонд миний xор орогнож үлджээ. Ингээд л xороо гадагшлуулах ажилдаа орлоо.

Дотор эрxтнээ “угааж цэвэрлэх” ажлаар эхлүүлсэн – нимбэгийн шүүс, алимны уксус, ногоон өнгийн шүүстэй ус. Маш их хэмжээгээр ногоон өнгөт ногоо, салат, ургамал, ширхэглэг хүнс идэх болов.

Сүүлийн 30 кг-ийг би эхний 30 кг хаяснаас илүү хурдан хаясан. Уг нь бол эсрэгээрээ байх ёстой гэж бодож байлаа. Турж байгаа хүн болгон мэднэ дээ, эхлээд эрчимтэй жин хасаж байгаад сүүлийн хасагдах жингүүд маш удаан хасагддаг даа.

6-р дүрэм: мөнгөнөөс болж бухимдахаа больсон

Бас хачин зүйл хэлэх гэж байна. Гэхдээ үнэний хувьтай юм. Аль хэр мөнгөнөөс хараат бус байна төдий чинээ та аз жаргалтай, гуалиг байна. Би хамаагүй хямдхан байшинд нүүж ороод элдэв хэрэгтэй хэрэггүй зүйлд мөнгө үрэхээ больсон. Өөрөө зарим нэг ногоогоо тарьж эхэлсэн гээд та бод доо. Мөнгөнд санаа зовох нь багасаад ирсэн.

Одоо сэтгэл санаа таагүй үедээ байшингаа тойрч очоод өөрийн тарьсан улаан лоолио идчихээд нөгөө өнцгөөр нь гараад ирнэ. Стрессээ шоколадаар тайлснаас хамаагүй эрүүл арга.

Зүгээр л 7-р дүрэм

Илүүдэл жингээсээ салахаар шийдсэн бол өөрөө өөртөө нэг зүйлийг хүлээн зөвшөөрөх хэрэгтэй: та генийн удмаас болж ийм байгаа бус харин залхуугаасаа болж ийм болсон. Илүүдэл жингийн асуудлаа шийдэхдээ та энэ дэлхий ертөнцөөс айж эмээх хэрэггүй. Надад бясалгал болон хийсвэрлэн төсөөлөх чадвар тус болсон. Үүний ачаар би сэтгэл зүйн хямралаас гарч чадсан юм.

Миний таниж мэдэх хүмүүсийн 65-70 хувь нь “сэтгэл санааны өөхлөлт”-тэй байдаг. Тэд нийгэм дунд өөрсдийгөө гaдуурхагдаж байгаа гэсэн бодлыг толгойдоо тээж өөрийнхөө өөхөөр “хамгаалагдсан” ертөнцөд улам шигддэг. Сонсоход таагүй ч гэлээ үнэн энэ юм даа.

Leave a Reply

Your email address will not be published.