in ,

Юу вэЮу вэ ХөөрхөнХөөрхөн Яг зөвЯг зөв ГоёГоё

Миний гар ойрдоо байсхийгээд л бадайрч, мэдээгүй болоод байсан юм. Ийм шалтгаантай холбоотой байсан гэж ёстой бодсонгүй…

Таны гар бадайрч, суларч байсан удаа бий юу? Маш олон хүмүүст энэ нь түгээмэл тохиолддог. Гэхдээ таны гар үргэлж бадайрч, сулардаг бол анхаарлаа нааш нь хандуулаарай. Гар ийнхүү бадайрах нь олон өвчний үндэс суурь, биеийн тань ямар нэгэн эрхтэн болохгүй байгаагийн илрэл ажээ. Иймд нийт уншигчиддаа зориулан гар яагаад бадайрдаг тухай хэрэгтэй мэдээллийг хүргэе.

Шилэн хүзүүний гэмтэл

Шилэн хүзүүний гэмтэл нь мэдрэлийн эсийн үйл ажиллагааг алдагдуулж, толгой өвдөх, гар бадайрах шинж тэмдгийг илрүүлдэг байна. Та одооноос ч болов, зөв сууж, дасгал хийж байгаарай. Мэдээж эмчид үзүүлж, хэрхэн эмчлэх, ямар арга хэмжээ авахыг олж мэдэх нь хамгийн зөв арга юм.

Тархмал хатуурал

Тархмал хатуурал нь тархи, нуруу нугасанд олон тооны хатуурсан голомт үүсэж, мэдрэлийн эмгэг үүсэх, хөдөлгөөний тэнцвэр алдагдах хэлбэрээр илэрдэг, мэдрэлийн тогтолцооны архаг өвчин юм. Харин энэ үед гар бадайрч, хүндэрч эхлэдэг байна.

Бугуйн хам шинж

Бугуйн сувгийн хам шинж нь мэдрэл гэмтсэнтэй холбоотой бугуй сарвуунд гардаг өөрчлөлт юм. Хуруугаа хөдөлгөхөд, нарийн сувгаар дамжин өнгөрөх шөрмөс нь хавддаг байна. Ингэснээр суваг дахь мэдрэл нь хавчигдаж, үүний улмаас бидэнд гар бадайрч байгаа мэт мэдрэмж төрдөг аж. Энэ нь ихэвчлэн өглөөдөө мэдрэгдэж, таагүй мэдрэмж төрүүлдэг.

Гар болон хөлийн венийн тромбоз

Гар бадайрч байгаагийн нэгээхэн шалтгаан нь гар болон хөлийн в е нийн   т р о м б о з байж болох юм. Энэ нь цусны урсгалыг тасалдуулж, бөглөрүүлэх бөгөөд үүнээс бол гар бадайрч, хавддаг байна. Тус өвчний үед яаралтай эмчид хандаж, арга хэмжээ авах шаардлагатай.

Чихрийн шижин болон цус багадалт

Цус багадалт болон чихрийн шижин өвчний үед цусны эргэлт удаашруулж, гар болон хөлийг хавагнуулдаг байна. Үүний улмаас гар бадайрах нь бий.

Мэдрэлийн судас үрэвсэх

Мөрний уулзвар хэсгийн мэдрэлийн судас үрэвсэж, гэмтсэн тохиолдолд, шинж тэмдэг нь гаранд илэрч, суларч, бадайрдаг байна.

Тархины судасны бөглөрөл буюу цус харвалт

Тархины судасны бөглөрөл буюу цус харвалтын үед гар бадайрдаг байна. Хэрвээ таны толгой эргэн, нүд харанхуйлж, хэл яриа доголдон, гар бадайрч эхлэвэл түргэн тусламж дуудаарай.

Энэ мэдээлэл таалагдсан уу?

Сэтгэгдэл

Leave a Reply

Your email address will not be published.

Loading…

0