Хэрвээ танд биеийн тамир болон хоолны дэглэм барилгүйгээр турна гэдэг нь боломжгүй зүйл мэт санагдаж байвал андуурч байна. Жин нэмэгдэх олон янзын нөхцөл байдаг ба хамгийн их тархсан жин нэмэх шалтгаан нь стресс, бие организмын тэнцвэргүй байдал билээ.
Бидний бие махбодид байх гормоны тэнцвэрт байдал нь бие эрүүл байх, сэтгэл санаа өөдрөг байх нөхцөл болдог гэдгийг бүгд мэднэ. Сэтгэл санаа зовох үед хүний бие зарим төрлийн гормон ялгаруулж, тэр нь өлссөн гэсэн сэтгэгдэл төрүүлдэг. Тиймээс өөдрөг санаа бодол, өөрт зориулсан өглөөний 20 минут таныг спорт болон хоолны дэглэм барилгүйгээр турахад ихээхэн дэм болно.
Мөн ус их хэмжээгээр уух нь турах бас нэг чухал нөхцөл юм. Та ус уугаад хэрхэн турж, гоо сайхан бие хаатай болдог гэдгийг төсөөлөх ч үгүй байгаа гэдэгт итгэлтэй байна.
Баярлаж талархах
Орон дээрээ хэвтэж байхдаа баярлаж талархах хэрэгтэй. Тийм ээ баярлаж талархах. Чухам энэ нь өдрийг сайхан сэтгэл санаатайгаар өнгөрүүлэх эхний нөхцөл болно. Сайхан сэтгэл санаа бол аз жаргалын гормоныг бий болгох ба энэ нь калори шатааж, турах процессыг идэвхжүүлдэг.
Сунгалт хий
Сунгалт хийж биеэ уян болгох нь булчингийн чангарлыг суллаж энерги зарцуулалтыг ихэсгэж, стрессийг багасгах аз жаргалын гормон бий болгоно.
Аяга ус уу
Ус уух нь хүний биеийг сэргээх ба бодисын солилцоо 30% хүртэл нэмэгддэг. Энэ бодисын солилцоо хэдий чинээ хурдан явагдана төдий чинээ энерги шатаана гэсэн үг. Ямар нэг хүч гаргахгүйгээр шүү. Нимбэгийн шүүс таны биеийг хэрэгтэй микро элемент, энергиэр хангана.
Биений сойз хэрэглэж бай
Эргэн тойрны орчин бидний бие болон биеийн жинг хянадаг гормонд нөлөөлж байдаг билээ. Биеийн сойзоор биеэ үрэх нь биеэс хорыг гадагшлуулан, тунгалгийн системийг идэвхжүүлдэг. Энэ нь турах бас нэг чухал нөхцөл юм.
Өглөөний цай заавал ууж бай
Өдөр болгоныг өглөөний цайгаар эхлүүл. Цаг завгүй байлаа ч ямар нэг зүйл – алим, жижиг боов, чихэр идэж бие организмаа заавал ажиллуулж бай. Өглөөний цай уугаагүй юм уу, орой идсэн хүн цагтаа идсэн хүнээс илүү их өлсдөг байна.
Иймэрхүү байдлаар өөртөө зориулсан өглөөний 20 минут таныг элдэв хүчний дасгал, хэцүү бэрх хоолны дэглэмгүйгээр турахад тусална. Үүнээс гадна ийм өглөө таныг сэргээж өдрийн турш эрч хүчтэй байх үндэс болдог.
Өдрийн турш та аль болох их ус ууж, өөрийгөө шахаж чадвал долоо хоногийн дараа л анхны үр дүнг нь мэдрэх болно. Илүүдэл өөх хайлж, арьс толийн, өнгөлөг болох ба хоол боловсруулах нь ч сайжирдаг.
