in

Сандал дээрээсээ босолгүйгээр хийж болох 6 дасгал. Ажлаа хийж байхдаа л нарийхан гоолиг гэдэстэй болох хялбар боломж

Оффисын ажил хэдий таатай ч гэлээ удаан хугацаанд хөдөлгөөнгүй суух нь эрүүл мэнд, бие галбирт муугаар нөлөөлдөг. Шинжлэх ухааны 47 төрлийн судалгааг нэгтгэсэн дүнгээс харахад: удаан сууж ажилладаг хүмүүс хавдар, чихрийн шижингийн 2-р төрөл, зүрхний шигдээсээр өвчлөх магадлал нэмэгдэхээс гадна таргалдаг гэжээ.

Сайхан мэдээ: та бүхэнд сандал дээрээсээ хийх боломжтой 6 дасгалыг санал болгож байна. Эрч хүчээр сэлбэх энэ дасгалыг та ажлын байран дээрээ шууд хийж болно.

Дасгал 1. Өвдгөө цээжиндээ хүргэх

Гэдэсний булчинг чангалахаас гадна хоол боловсруулах эрхтний үйл ажиллагааг сайжруулах, өөх шатаах нөлөөтэй.

Хийх арга:

  • Сандал дээрээ сууна. Нуруу тэгш, сандлын түшлэгийг налахгүй.
  • Хөлөө шалан дээр мөрний хэмжээтэй тавина.
  • Нуруу тэгш. Баруун өвдгөө дээш татаад цээжиндээ хүргэнэ. Хэвлий энэ үед татагдсан байна.
  • Гараа тохойгоороо нугалаад шилбэнээс барина, ингэснээр доод пресс идэвхтэй ажиллана.
  • Дасгалыг өвдөг болгоноор тус бүр 20-30 удаа хийнэ.

Дасгал 2. Хоёр өвдгөө зэрэг өргөх

Энэ дасгалын үед гэдэсний бүх булчингууд жигд ажиллана.

Хийх арга:

  • Хөлөө нийлүүлнэ.
  • Гараараа сандал дээр тулаарай.
  • Нуруу тэгш, өвдгөө өргөөд цээжиндээ ойртуулна. Энэ үед гэдэсний булчин ачаалал авах ёстой.
  • Хөлөө бэлтгэл байдалд доош буулгана, гэхдээ хөлийн улыг шаланд хүргэхгүй.
  • Дасгалыг 10-20 удаа хийнэ.

Дасгал 3. Цээжийг эргүүлэн өвдөг өргөх дасгал

Бэлхүүс гаргана. Хажуугийн булчингууд ажиллах тул хажуугийн өөхийг хайлуулахад нөлөөлнө.

Хийх арга:

  • Сандлын өнцөг дээр сууна, нуруу тэгш. Гараараа сандал тулна.
  • Цээжин биеийг хажуу тийш эргүүлнэ.
  • Хөлөө нийлүүлээд өвдгөө цээж рүүгээ өргөнө, дасгал 2-ыг санана уу.
  • Бэлтгэл байдалдаа ирээд, нөгөө тийш цээжээ эргүүлнэ.
  • Тал бүрээр 10-20 удаа хийнэ.

Дасгал 4. Шаланд хүрэх

Хажуугийн болон гуяны өөх хайлуулна.

Хийх арга:

  • Хөлөө шалан дээр тавина.
  • Гараа мөрний хэмжээнд хоёр тийш алдална.
  • Цээжээ баруун тийш эргүүлээд доош бөгтийнө, энэ үед баруун гараараа зүүн хөлийн хуруунд хүрнэ. Энэ байрлалыг хэсэг барина.
  • Бэлтгэл байдалдаа ирнэ. Дасгалыг зүүн гараараа баруун хөлийн хуруунд хүрэн ээлжилж хийнэ.
  • Тал тус бүрээр 20-30 удаа хийнэ.

Дасгал 5. Их биеэ сандлаас өргөх

Өөх хайлуулж, гэдэс, нуруу, мөрний булчин чангална. Илүү их ачаалал авахын тулд тохой тавьдаг тавиуртай сандал сонгоно, дугуйгүй байхыг анхаарна уу.

Хийх арга:

  • Сандал дээрээ суугаад бариул дээр гараараа тогтоно.
  • Их биеэ дээш өргөөд өгзөг, хөлөө сандлаас хөндийрүүлнэ. Энэ үед прессийг ажиллуулахын тулд өвдгөө дээш цээж рүүгээ өргөөрэй.
  • Энэ байрлалд 15-20 секунд барина, дараа нь аажим буулгана.
  • Дасгалыг 4 удаа хийнэ.

Дасгал 6. Өвдөг-тохой

Бэлхүүстэй болохыг хүсвэл маш тохиромжтой дасгал: хэвлийн хажуугийн болон доод булчингуудыг ажиллуулна. Хийх зарчим – нэг өвдөг эсрэг талын тохойд хүрнэ, энэ үед цээжин бие бага зэрэг хажуулдана.

Хийх арга:

  • Сандал дээр сууна, нуруу тэгш, сандлын түшлэг налахгүй. Гараа толгойн ардаа авна.
  • Баруун өвдгөө дээш цээж рүүгээ өргөхөд зүүн тохой доошилно. Өвдөг, тохой бие биедээ шүргэлцэнэ.
  • Бэлтгэл байдалдаа ороод 15 удаа давтан хийнэ.
  • Одоо нөгөө өвдөг тохойгоороо дасгалыг хийнэ, мөн 15 удаа.
  • Энэ дасгалыг 4 удаагийн давтамжтайгаар хийнэ.

Бонус: Хэвлийн хажуугийн булчин чангалах дасгал

Дээрх 6 дасгал сандал дээр суугаа байрлалаас хийгдэнэ. Бид илүү үр дүнтэй дасгал санал болгож байна, гэхдээ босоогоороо. Сандлаасаа холдохгүй ээ.

Ашиг тус – гэдэс, бэлхүүсийн өөх шатаана, өгзөгний булчин чангална.

Хийх арга:

  • Сандлын ард зогсоод зүүн гараараа түшлэгээс барина.
  • Баруун гараа толгой дээрээ авна.
  • Гараа доош аажим буулгаад баруун хөлөө дээш авна. Энэ үед хөлийн өсгий болон гарын хуруу шүргэлцэнэ.
  • Бэлтгэл байдалдаа ороод дасгалыг 10-15 удаа хийнэ.
  • Хөл, гараа солино, мөн 10-15 удаа хийнэ.
  • 4 удаагийн давтамжтайгаар дасгалыг гүйцэтгэнэ.

Дээрх дасгалуудыг өдөр тутам хийж заншаарай, үр дүн удахгүй харагдана. Дасгалыг эрүүл зөв хоолны дэглэмтэй хослуулахаас гадна сайн амарч байгаарай.

Энэ мэдээлэл таалагдсан уу?

Сэтгэгдэл

Leave a Reply

Your email address will not be published.

Loading…

0