Нуруу, нугас – бие эрхтэн бүхэлдээ энэ эрхтэн дээр тогтдог ажээ. Ямар ч насных бай нуруундаа анхаарал хандуулах ёстой. Нурууны эрүүл мэндийг анхаарч чадсанаар насан туршдаа эрүүл байх үндэс болно.
Нуруундаа дэмжлэг үзүүлэх зорилгоор өдөр тутмын дараах 8 ажлыг зөв хийж байгаарай.
Шүд цэвэрлэх
Босоогоороо зогсоход нуруу их ачаалал авдаг. Хэрвээ та босоо ажил хийдэг бол нурууны ачааллыг багасгах ямар нэгэн арга олоорой.
Хэрхэн зайлсхийх вэ?
Шүдээ угааж байхдаа гараараа толь, шүүгээ тулна.
Сав суулга угаах
Энэ үед бид нуруугаа хагас бөгтийлгөдөг. Цээж орчмын дискнүүд үрэлцэх тул энэ хэсгээр өвчин мэдрэгддэг байна.
Хэрхэн зайлсхийх вэ?
Нэг хөлөө сандал дээр гаргаж тавьснаар ирэх ачааллыг багасгана.
Машины дугуй солих
Энэ асуудалтай маш олон жолооч нүүр тулдаг. Машины дугуй сольсны дараа бараг хагас өдөр нуруу өвддөг ажээ.
Хэрхэн зайлсхийх вэ?
Дугуй руугаа бөгтийхгүй, доош суу. Машины дугуйн хэсэг болон нүд нэг хэмд байхаар суугаад дугуйгаа солиорой.
Дэлгүүрээс тортой зүйл барьж явах
Уутны борлуулалтаар супермаркетууд багагүй мөнгө хийдэг нь нууц биш. Та ч дахин уут авахдаа өөрөөсөө бүү харамла. Тэр 100 төг таны нурууны ачааллыг багасгаж өгнө.
Хэрхэн зайлсхийх вэ?
Хүнд зүйлийг өргөхдөө эхлээд өвдөгөө нугалах ба нуруу тэгш байна. Эмэгтэйчүүдийн хувьд 2 кг-аас дээш зүйлийг хүнд гэх бол эрчүүдийн хувьд 5 кг-аас дээш байна.
Тортой зүйл өргөж яваа бол хүндийн жин нь адилхан байхаар хоёр хувааж хоёр гартаа барих ёстойг мартаж болохгүй.
Шал угаах
Өдөр болгон биш юм аа гэхэд долоо хоногтоо багаар бодоход нэг удаа гэрээ цэвэрлэдэг. Гэхдээ нуруундаа маш их ачаалал өгнө. Ачаалал авах хөл, нуруу, гарын идэвхтэй хөдөлгөөн, устай хүнд сав өргөх – сонсоход аюултай зүйл үгүй мэт.
Хэрхэн зайлсхийх вэ?
Гараараа алчуураа бариад шалаа угаахгүй – шалны мод заавал ашиглана.
Гутлаа үдэх
Бөгтийх тоолонд бидний нуруу, нугас буруу байрлалд ордог. Байнгын ачаалалд орох тутамд нурууны шим тэжээлтэй бодис багасдаг байна. Үүнээс үүдэн нурууны өвчлөл мэдрэгдэх ажээ. Нуруу зөв байрлалд буюу унтаж байхад шим тэжээлтэй бодис эргэж сэргэнэ. Тийм учраас өдрийн турш нуруунд бага ачаалал өгөхийг хичээгээрэй.
Хэрхэн зайлсхийх вэ?
Суугаа байхдаа үдээсээ үднэ, хөлөө өөр рүүгээ татаарай. Бөгтийж, хөлөө жийсэн байхад үдээсээ үдэхээс зайлсхийнэ.
Үүргэвч үүрэх
Үүргэвч – зөвхөн сурагчдын хэрэгсэл бус. Үүргэвчээ буруу үүрэх, хэт хүнд зүйл хийх нь нуруунд муугаар нөлөөлнө.
Хэрхэн зайлсхийх вэ?
Үүргэвч зүгээр ч нэг хоёр мөрөвчтэй байдаггүй. Ачааллыг нь зөв тааруулж хоёр мөрийг хоёуланг нь үүрнэ.
Өргөн мөрөвчтэй үүргэвч сонгоорой – хүзүү, нуруунд ирэх ачааллыг эрс багасгадаг байна.
Дээрээс хүнд зүйл буулгах
Дээрээс юм авахын тул бидний нуруу сунадаг. Сунасан нурууны дискэнд гэв гэнэт хүнд ачаалал ирвэл юу болохыг та төсөөл дөө? Үлээсэн шааран дээр туйпуу хаяж байгаатай л адил зүйл болно. Диск хагарахгүй нь мэдээж, гэхдээ дискэнд маш муугаар нөлөөлнө.
Хэрхэн зайлсхийх вэ?
Сандал, хөлийн тавиур зэрэг дээр зогсож байгаад дээрээс хүнд зүйлээ буулгана. Болж өгвөл дээрээс авах гэж байгаа зүйл цээж орчим таарвал сайн.
