Чанга, гоё хөxтэй байхын тулд заавал мэс заслын орон дээр хэвтэх албагүй. Зөв дасгалыг тогтмол хийхэд таны хөxний хэлбэр өөрчлөгдөнө.
Төгс хөxтэй болгох энгийн 7 дасгалыг мэргэжилтнүүд танилцуулж байна.
Дасгал 1
Гараа атгаад эрүүн доороо байрлуулна. Гараа чанга атгах бөгөөд эрүүгээрээ түлхэхдээ харилцан эсэргүүцэл үзүүлнэ. 5 секунд дарна, 5 секунд суллана. Дасгалыг 2-3 удаа хийнэ.
Дасгал 2
Гарын алгаа нийлүүлж цээжнийхээ урд авчирч чангална. Нуруу тэгш, булчинд ирэх ачаалал нэгэн жигд байна. Дасгалыг хүндрүүлж болно: гарын алгандаа бөмбөг барина. 10 секунд даралт, 5 секунд суллана. 3 удаа хийнэ.
Дасгал 3
Суниах дасгал нь цээжний булчинг чангалдаг. Хэрвээ анх удаа гар дээрээ суниаж байгаа бол өвдгөөрөө тулж болно. Гараа аль болох зайтай, харин хөлөө нийлүүлж тавина. Аажим зөөлөн суниана. 3 удаагийн давтамжтайгаар 12-15 удаа суниана.
Дасгал 4
Суниасны дараа булчингууд халж ачаалал авсан байдаг. Одоо сайтар сунгах хэрэгтэй. Гэдсээрээ доош харан хэвтээд хөлөө арагш нугалж гараараа барина. Анхлан суралцагчид 20 секундээс эхэлж аажим 10 секунд нэмнэ. Дасгалыг 3 удаа хийнэ.
Дасгал 5
Хананаас хагас метрийн зайд зогсож гараа атган хананд чанга тулна. Булчин хэрхэн чангарч байгааг та мэдрэх бөгөөд энэ байрлалд 20 секунд байна. Дасгал хооронд 10 секунд амраад 3 удаа хийнэ.
Дасгал 6
Сандал, шал эсвэл том хийлсэн бөмбөг дээр нуруугаараа дээш харан хэвтэнэ. Гартаа гантель барьж цээжиндээ ачаалал авахаар аажим дээш өргөнө. Доош буулган дахин өргөнө. Дасгалыг 8 удаа хийнэ. Гантелийг өргөхөд багагүй ачаалал авахаар жинтэй гантель байна. 3 удаагийн давтамжтай гүйцэтгээрэй.
Дасгал 7
Булчинг сунгаж цээжинд ачаалал өгөх дасгал юм. Гартаа гантель бариад өвдгөөрөө бага зэрэг нугалж цээжээрээ бага зэрэг урагш бөгтийнө. Амьсгалаа авахдаа гараа хоёр тийш өргөнө – гар , мөр, шал параллель байхаар. 2 удаагийн давтамжтайгаар 12 удаа хийнэ.
