Энэ иллэгийг хэзээ ч хийж болно. Дор дурдсан цэгэн иллэгийг цагийн зүүний дагуу эргүүлж хийх бөгөөд 20-30 секунд үргэлжилнэ. Өөр элдэв тусгай заалт байхгүй бол иллэгийг дунд хуруугаараа хийнэ.
1. Эрүүний төв хэсэг. Хамрын ханиадны үед үр дүнгээ өгөх иллэг.
2. Уруулын зах.
3. Хамар болон дээд уруулын дунд.
4. Хамрын угийн захын хоёр цэг. Эдгээр цэг нь нарийн гэдсэнд нөлөөлөх цэг бөгөөд хамрын битүү арилгана.
5. Шанааны төв цэг. Ясан дээр нь дээрээс доош чиглэлд дарж илнэ.
6. Шанааны цэгээс бага зэрэг дээшлэн доод зовхины захын хоёр цэг. Чигчий хуруугаараа зөөлөн болгоомжтой дарсхийнэ. Иллэг хийхгүй.
7. Хөмсөг. Эрхий хуруугаараа хөмсөгний дотор хэсгийг доороос дээш дарж илнэ. Дараа нь хоёр хөмсөгний угаас гадагш дарж илнэ. Иллэгийг хэд хэдэн удаа давтан хийнэ. Иллэгийг зөв хийвэл бие бага зэрэг чичрэх мэдрэмж төрөх юм, энэ нь бие тавирч байгааг илтгэнэ. Толгойн өвчин намдаах үр дүнтэй.
8. Чамархай. Хуруугаа тэгшлэн зөөлөн иллэг хийнэ.
9. “Гуравдагч нүд”. Мөнхийн чакра. Хоёр алгаараа цэг дээр зөөлөн дарж үсний чиглэлд илнэ, өөрөөр хэлбэр урдаасаа арагшаа чиглэлд байх ажээ.
