Эдгээр зурхайн ордууд бусадтай харьцуулахад илүү хүчтэй энергийг өөрөөсөө ялгаруулж байдаг. Тиймээс тэдэнтэй болгоомжтой харьц!

“Хорон нүд” гэдэг ойлголт эртнээс уламжлалтай – өрөөл бусдад хорон муу санах, хараал хийх хүнийг ийн нэрлэдэг. Өөрийн хорон санааг бусдад нялзаахын тулд маш их хүчтэй энергитэй байх ёстой, хамгийн аймшигтай нь зарим нэг хүчтэй энергитэй хүмүүс өөрийн мэдэлгүй өөр хүмүүст сөрөг энергиэр нөлөөлдөг байна. Хэн нэгэнд муу санах, үл тоомсорлосон байдлаар харахад л тэр хүний сэтгэл санаа уймарч, өвчин салахаа болих, ер нь л нэг гай зовлонгоос нөгөө рүү шилждэг болох ажээ. Ялангуяа хүүхдүүд “хорон нүд”-д маш их өртдөг, яагаад гэвэл тэд маш эмзэг байдаг ажээ.

“Хорон нүд” төрөхөөсөө л байдаг, энэ нь таны ордноос хамаарна.

Ихэр, хилэнц, хонь, загас – үг, оюун ухааны маш их хүчтэй ордууд. Өөрийн хэлсэн ганц үг эсвэл чулуудсан ганц харцаар бусдад сөрөг энерги илгээж болзошгүй.

Зурхайд бууснаар хилэнцийнхэн энэ чадвараа зориудаар ашигладаг гэжээ. Тэд өөрсдийгөө ямар хүчтэйгээ мэддэг аж.

Ихрийн ордныхны нүд өөрийн эрхгүй ажиллаж эхэлдэг. Ихрийн ордныхон хүмүүстэй ярилцах, хэлэлцэх, эсвэл бусдыг үнэлэх, шүүмжлэх дуртай байдаг. Тэдний хэлсэн гэмгүй үгний ард муу энерги байсныг эхлээд мэддэггүй. Тийм ч учраас Ихрүүдэд санаж байгаа бодол, хэлэх гэж байгаа үгээ сайтар бодож байж хэлэхийг зөвлөж байна.

Загас, хонины ордныхон өөртөө муу бодол, гомдлоо тээсээр явдаг, энэ нь явсаар эцэс сүүлдээ гомдоосон хүнд муугаар нөлөөлдөг байна. Энэ хоёр ордын заналхийлсэн үг биелэлээ олж мэднэ. Хэн нэгэнд муу санаж байгаа бодол нь эргээд өөрсөд дээр нь буух ч тохиолдол бийг анхаарч явах хэрэгтэй. Тийм учраас сөрөг бодлоосоо илүү сайн сайхныг бодож яваарай.

Бусад ордуудын хувьд “хорон нүд”-ний нөлөө бага, гэхдээ хувь хүний зан чанар, төрсөн өдөр нөлөөлж болохыг анхаарна уу.