in ,

ГоёГоё ХөөрхөнХөөрхөн

Та өөрийнхөө биеийг хэдэн настай хүнийх шиг байгааг мэдмээр байна уу? Тэгвэл доорх 6 дасгалыг хийгээд үзээрэй!

Хүний эрүүл энх байх нэг чухал хүчин зүйл нь биеийн тамир бөгөөд олон хүн янз бүрийн дасгал хийхдээ чухам юуны төлөө хийж байгаагаа тэр болгон сайн мэддэггүй. Гэтэл биеийн тамирын дасгалаар хүний биеийн байдлыг шалгаж болдог билээ.

Та өөрийнхөө мөрний үений болон нугасны уян хатан чанараа мэдмээр байна уу? Тэгвэл доорх дасгалыг хийгээд бие организм тань яаж хүлээж авч байгааг анзаараарай.

№1 Мөрний үеийн уян хатан байдлыг шалгах

Газарт завилан сууж гараа нурууны ард аван, алгаа нийлүүлнэ. Энэ нь залбирах мэт боловч нурууны ард байх нь гол онцлог нь юм. Ингэснээр таны мөрний үе хэр уян байгаа болон шохойжилтын түвшин ямар байгааг харуулна.

Хэрвээ шууд ингэж хийж чадаж байвал баяр хүргэе:

  • Та уян хатан байна
  • Үе мөч тань хэвийн, эрүүл байна

Хэрвээ нурууны ард хоёр гараа зөвхөн нийлүүлж чадсан бол муу биш бөгөөд, цаашид биеийн уян хатан байдалд анхаарах хэрэгтэй юм.

Хэрвээ ерөөсөө чадаагүй бол мөрний үе хөгжүүлэх, биеийн дээд хэсгээр ихээхэн ачаалал өгөх дасгал эрчимтэй хийх хэрэгтэй.

№2 Нурууны уян хатан байдлыг шалгах

Энэ дасгалыг сандал дээр суун хийж болох ба эхлээд хатуу сандал дээр бүтэн суугаад хөлийн улаа шаланд бүтнээр хүргэнэ. Одоо бөхийгөөд хуруугаараа шаланд хүрэх хэрэгтэй бөгөөд хөлийн ул шалнаас салахгүй байх ёстой.

 

Энэ дасгалын арай хүнд хувилбар нь босоо байдлаар, хөл хоорондоо бага зэрэг зайтай байх ба мөн л урагшаа тонгойн хуруугаараа шаланд хүрэх хэрэгтэй. Хэрвээ та өөрийнхөө уян хатан гэдэгтээ итгэл төгс бол гараараа хөлийнхөө ар, доод хэсгээр тэвэрч болох юм.

Хэрвээ та хөлийн улаа бүтнээр гишгэж, өвдөгөө нугалахгүйгээр гарынхаа бүтэн алгаар шаланд хүрч байвал:

  • Таны бие организмын нас 25-аас ихгүй
  • Таны бие эрүүл, сайн бэлтгэлтэй байна
  • Сунгалт болон уян хатан байдалд чинь атаархахаас өөр арга алга

Хэрвээ зөвхөн хуруугаараа хүрсэн бол муу биш боловч цаашид дасгал сургуулилт үргэлжлүүлэн хийх хэрэгтэй.

Хэрвээ шаланд хүрч чадаагүй бол дасгал сургуулилт маш идэвхтэйгээр, ихээхэн хэмжээгээр хийх нь зөв. Таны нуруу, нугас аливаа ачаалалд бэлэн биш, магадгүй зарим нэг мурийлт бий болж байж ч магадгүй юм шүү.

№3 Хүзүүний урд хэсгийн уян хатан байдлыг шалгах

Шалан дээр сөхөрч сууж байгаад өвдгөөрөө босон нуруугаараа аажуухан арагшаа нална. Өвдөг шалнаас салах ёсгүй ба та аль болох гүүр мэт хотойж, хуруугаараа хөлийн уланд хүрнэ. Их уян хүмүүс хөлдөө толгойгоо ч хүргэж чадах бол дөнгөж эхэлж байгаа хүн арагшаа нилээд хазайн, гараа нуруундаа тулах байдлаар хийж болно.

 

Хэрвээ та ингэж чадвал:

  • Таны бие маш сайн байна
  • Мөр болон хүзүүний үений хөгжил сайн
  • Үе уян хатан

Хэрвээ зөвхөн нуруугаа тулан арагшаагаа хазайж чадаж байвал таны биеийн нас 25-30 орчим, цаашид дасгал хийх шаардлагатай.

Хэрвээ огт чадаагүй, арагшаа хазайж болохгүй байгаа бол биеийн уян хатан байдал сайжруулах янз бүрийн дасгал даруй хийж эхлэх хэрэгтэй. Энэ их амархан дасгал боловч хийж чадахгүй байна гэдэг нь түгшүүрийн эхний дохио юм шүү.

№4 Гуя, таазны орчны уян хатан байдлыг шалгах

Жижиг хивсэнцэр дэвсэн, дээр нь хоёр хөлөө бага зэргийн зайтай тавьж сууна. Нэг хөлөө хэвтээ чигт сайн нугалах бол нөгөөхөө аль болохоор урагшаа цэх байлга. Одоо тэнийсэн хөл рүүгээ аль болох сайн тонгойж сунана, хоёр гараараа хөлөө барих хэрэгтэй.

 

Хэрвээ таны нүүр шалны хоорондох зай 30 см-ээс ихгүй бол сайн байна.

Хоорондох зай их байх тусам төдий хэмжээгээр уян хатан байдалдаа анхаарах хэрэгтэй. Харин ингэж огт чадаагүй юм уу тонгойх үед өвдгөө өөрийн мэдэлгүй нугалж байвал таны гуя таазны үе мөчний уян хатанд таарсан дасгал дутагдаж байна гэсэн үг. Мөн гуяны арын булчинг хөгжүүлэх, уян хатан болгоход анхаарах хэрэгтэй. Өдөр болгон энэ сунгалтын дасгалыг хийх хэрэгтэй ба дасгалаа огцом биш аль болох тайван, позоо хэдэн секундын турш барих байдлаар хийх нь зөв.

№5 Өвдөгний үений уян хатан байдлыг шалгах

Хивсэн дээр хагас хэвтээ байдлаар, гараараа тулна. Таны мөр, нуруу, хонго нэг түвшинд байх ба дээшээ аажуухан бөхийх байдлаар хийнэ. Гараараа шалан дээр бүтэн тулж, өвдгөө нугалахгүй, хөлөө шалнаас салгахгүйг хичээнэ.

Хэрвээ та энэ позыг 5-10 секунд барьж чадсан бол таны өвдөгний үе маш сайн байна. Арай богино хугацаагаар барьсан бол муугүй боловч биеийн ачааллаа нэмэгдүүлэх хэрэгтэй.

Харин огт чадаагүй бол таны нас 50-аас их юм уу эсвэл сунгалт маш сулхан байгаа хэрэг юм. Байдлыг даамжруулахгүйн тулд булчингийн болон үений уян хатан байдлыг сайжруулах цогц дасгалуудыг хийж эхлэх хэрэгтэй.

№6 Бүсэлхийний хажуу булчинг шалгах

Шалан дээр суун нэг хөлөө сунгаж, нөгөө хөлөө нугалан гуяндаа наах маягаар сууна. Аль аль тийшээ ээлжлэн налах ба хөлөө сунгасан тал руугаа налахдаа нэг гараараа хөлөө барьж нөгөө гараараа шаланд тулах байдлаар хүргэх хэрэгтэй.

Хэрвээ хөлийн улаа бариад, сунгасан хөл дээрээ бараг хэвтэж чадаж байвал та 30-наснаас хэтрээгүй, булчин шөрмөс тань  маш сайн байдалд байгаа ба та бүсэлхийгээрээ нарийхан хүн байгаа болов уу.

Хэрвээ хуруугаараа хөлөнд хүрч чадах хэмжээгээр налж чадахгүй бол та 30 давсан боловч юм оройтоогүй байна гэсэн үг. Сунгалтын цогц дасгалууд танд хэрэг болно.

Хэрвээ огт чадаагүй бол та нас нилээд тогтсон, булчингийн уян хатан чанарыг сайжруулах хэрэгтэй. Үүний тулд гэдэсний булчинд зориулсан янз бүрийн тонгойлт бүхий дасгал, “планк” хийх хэрэгтэй.

Харамсалтай нь цаг хугацаа явахын хэрээр бид залуужихгүй ба уян хатан байдал, эрүүл мэнд бага багаар суларч байдаг. Гэхдээ гутрах хэрэггүй ба дээрх дасгалуудыг хийж чадаагүй бол бусад дасгалууд танд туслах болно.

Leave a Reply

Your email address will not be published.