Хамгийн алдартай фитнесийн дасгал хүртэл тийм ч үр дүнтэй биш байдаг. Мөн эдгээр дасгалыг буруу хийвэл таны эрүүл мэндэд сөрөг нөлөө үзүүлж ч мэдэх юм.
Аюултай дасгал хөдөлгөөний тухай болон түүнийг юугаар орлуулж болох тухай мэдээллийг хүргэж байна.
Мушгих
Яагаад аюултай вэ?: Сээр нуруу мушгирч, ачаалал авдаг тул гэмтэх аюултай. Хэрвээ та суугаа ажилтай бол нурууны диск огцом хөдөлгөөнд орж гэмтэнэ. Дискний урд хэсэг шахагдаж, хүзүү рүү өвдөлт өгнө.
Юугаар орлуулж болох вэ?: 4 хөллөн нэг гар болон нэг хөлөө сунгана. Шалтай зэрэгцээ байрлалд аваачна. Ийм байрлалд 5-10 секунд болно. Дараа нь нөгөө гар болон хөлөө сунгана. Энэ дасгал нь ачаалал багатай бөгөөд өгзөг болон гуяны булчинг чангалдаг.
Ардаас тулах
Яагаад аюултай вэ?: Гарны байрлал эвгүй бөгөөд гар дээр бүх ачаалал ирдэг тул үе мөч гэмтэх магадлалтай. Мөр болон тохойны байрлал уламжлалт бус байрлалд байгаа тул хөдөлгөөн хийх үед гэмтэнэ.
Юугаар орлуулж болох вэ?: Гарын алга болон хөлийн өвдгөөр шалан дээр тулна. Хамгийн гол нь нуруу тэгш байх ба гарын байрлал мөрнөөс бага зэрэг гадагш байрлана. Хөлөө солбих ба суниах мэт хөдөлгөөн хийнэ. Энэ нь булчинг жигд ажиллуулах бөгөөд эрсдэл учруулахгүй.
Хажуу талаараа мушгирах
Яагаад аюултай вэ?: Хажуу талаараа мушгирах нь хэвлийн булчинг идэвхитэй ажиллуулдаг. Гэхдээ сээр нуруу, нурууны дискийг гэмтээх магадлалтай.
Юугаар орлуулж болох вэ?: Хажуугийн байрлалаас гараараа тулна. Нөгөө гараа дээш өргөнө. Гуяыг шалнаас аажмаар хөндийрүүлнэ. Нуруу тэгш байх ёстой. Хэр удаан тэвчиж чадахаар байна тэр хүртлээ энэ байрлалдаа байгаарай. Дараа нь нөгөө талаараа хийнэ. Хэвлийн өөхийг шатааж нуруу нугасны гэмтлээс хамгаална.
Урдаа гантел барьж тонгойх
Яагаад аюултай вэ?: Нурууг гэмтээх магадлалтай. Хэрвээ дасгалаа буруу хийвэл булчин тасрах болон нуруу гэмтдэг.
Юугаар орлуулж болох вэ?: “Модчин” гэж нэрлэгддэг дасгал хийвэл зохилтой. Хөлдөө мөрнөөс бага зэрэг өргөн зай авна. Гартаа бөмбөг авч гараа дээшлүүлэх ба зүүн мөрний дээр байрлуулна. Бөмбөгийг доошлуулахдаа диагоналийн дагуу баруун өвдөгний доор аваачна. Энэ дасгалыг удаан хийнэ. Дараа нь нөгөө талаараа давтаарай.
Гантел өргөх
Яагаад аюултай вэ?: Нэг байрлалдаа байнга удаан зогсох нь нуруунд ачаалал өгдөг. Үүнээс гадна энэ дасгал нь цөөн хэдхэн булчинг ажиллуулдаг. Хэрвээ та тамирчин биш л бол үүний оронд өөр илүү сайн үр дүнтэй, аюулгүй дасгал хөдөлгөөн сонгоорой.
Юугаар орлуулж болох вэ?: Танд резин тууз хэрэг болно. 2 гартаа үзүүрээс нь бариад цээжнийхээ урд гараа тохойгоор нь нугалах хөдөлгөөн хийнэ. Гарт жигд ачаалал ирэх ба үр дүн нь илүү сайн байх болно.
Гуяны булчинд зориулсан дасгал
Яагаад аюултай вэ?: Маш хүчтэй сунгалт хийх хэрэгтэй болох ба булчин шөрмөс гэмтэх магадлалтай.
Юугаар орлуулж болох вэ?: Хөл хөгжүүлэхэд хамгийн аюулгүй дасгалын нэг бөгөөд нэг хөлөө жижиг сандал дээр тавина. Хэт өндөр бол дасгал хийхэд хүндрэлтэй. Нуруу тэгш байх ба нэг хөлөө сандал дээр тавиарай. Дараа нь хөлөө буцааж хэвийн байдалд тавина. Хоёр хөлөөрөө ээлжлэн хийнэ.
Гантелтай франц дасгал
Яагаад аюултай вэ?: Дасгал хийх үед тохойны үе мөч дээр ачаалал ирнэ. Энэхүү дасгалыг маш зөв хийх хэрэгтэй бөгөөд буруу хийснээс болж гэмтдэг тул өөр аюулгүй дасгал сонгох нь зөв.
Юугаар орлуулж болох вэ?: “Очир эрдэнэд” хүрэх дасгал. Гараа урд урдаас нь харуулан тулах ба нэг гарын хуруунуудаа нөгөө гарын хуруун дээр тавина. Хөлөө өвдгөөрөө тулах ба цээжээрээ доош түлхэх буюу суниах мэт хөдөлгөөн хийнэ. Хэрвээ илүү их ачаалал өгье гэвэл хөлөө өвдөглөлгүйгээр шулуун байлгаж байгаад хийж болно.
