Хийхэд маш амархан хэрнээ салахын аргагүй амттай хучмал хийх 5 жор. Та гэрийнхнээ амтат хучмалаар дайлаарай

Шарах шүүгээ – хүн төрөлхтний нэгэн шилдэг нээлт. Тийм ч учраас юу хүссэнээ шарах шүүгээнд хийж болно.

Таны гэр бүлийнхэн тань танд баярлах тийм амттай хучмалын жоруудыг танилцуулахаар бэлдлээ.

Татсан махтай төмсний хучмал

Орц:

• Үхрийн татсан мах – 500 г
• Төмс – 1 кг
• Өндөг – 1 ш
• Сүү – 250 мл
• Сонгино – 1 ш
• Бяслаг – 50 г
• Давс, перец

Хийх арга:

1. Төмсөө арилгаад давстай усанд чанана. Уснаас нь шүүж аваад 50 г цөцгийн тос хийж нухаш бэлдэнэ.
2. Сүүгээ бүлээсгээд төмсний нухаш дээрээ нэмж сайтар холино.
3. Сонгиноо жижиглэн хэрчээд шаргал өнгөтэй болтол нь цөцгийн тосонд шарна.
4. Татсан махаа нэмж болтол нь шараад давс, перецээр амтална.
5. Шарсан мах хөрөнгүүт нь өндөг хагалж хийгээд сайтар хутгана.
6. Шарах шүүгээний хэвний ёроолыг цөцгийн тосоор тослоод мах, дээрээс нь төмсний нухашийг тарааж тавина.
7. 15 минут шарж болгосны дараа гаргаж ирээд дээрээс нь үрж жижиглэсэн бяслаг цацаад дахин 5 минут шарна.

 

Тахианы мах, ногоотой хучмал

Орц:

• Тахиын цээж мах – 350 г
• Сонгино – 1 ш
• Амтат чинжүү – 1 ш
• Цоохор майлз – 2 иш
• Сүү – 150 мл
• Бяслаг – 100 г
• Өндөг – 1 ш
• Давс, перец

Хийх арга:

1. Давстай усанд тахианы цээж махаа чанаж болгоно.
2. Махаа хөргөөд дөрвөлжин хэлбэртэй хэрчинэ.
3. Ногоонуудаа арилгана. Сонгиныг нарийхан урт, амтат чинжүүг дөрвөлжин, цоохор майлзыг жижиглэн хэрчинэ.
4. Оливийн тосонд сонгино, дараа нь амтат чинжүү, цоохор майлзаа шарна.
5. Шарсан ногоогоо махан дээрээ нэмж шарах хэвэндээ хийнэ.
6. Өндөг, сүү, бяслагаа сайтар холиод тахианы махан дээр асгана. Мөн дээрээс нь үрж жижиглэсэн бяслаг цацаарай.
7. Шарах шүүгээнд 15 минут шарна.

 

Брокколи, бяслагтай хучмал

Орц:

• Брокколи – 500 г
• Өндөг – 5 ш
• Зөөхий – 300 г
• Хатуу бяслаг – 200 г
• Цөцгийн тос – 2 х.х
• Нунтаг шарсан талх – 2 х.х
• Давс, перец

Хийх арга:

1. Давстай усанд брокколийг буцалгана.
2. Өндөг, зөөхий, хатуу бяслагаа холиод давс, перецээр амтална.
3. Хучмал хийх хэвээ цөцгийн тосоор тослоод дээрээс нь нунтаг шарсан талх цацна. Эхлээд брокколийг тарааж тавиад дээрээс нь өндөгний холимгоо асгана.
4. Шарах шүүгээнд 25 минут шарна.

 

Паста, гахайн утсан махтай хучмал

Орц:

• Паста – 150 г
• Гахайн утсан мах – 200 г
• Цөцгийн тос – 4 х.х
• Өндөг – 3 ш
• Зөөхий – 150 г
• Ногоон вандуй – 200 г
• Бяслаг – 200 г
• Сармис – 1 хумс
• Давс, перец

Хийх арга:

1. Пастаг буцалгаад уснаас нь шүүж авна. Цөцгийн тосоор тослоно.
2. Гахайн утсан махаа жижиглэн хэрчээд сармистай цуг тосонд шарна.
3. Өндөг, зөөхий, бяслагаа хийж сайтар холино.
4. Өөр тусдаа саванд паста, ногоон вандуй, гахайн утсан махаа холиод хэвэндээ хийнэ.
5. Дээрээс нь өндөгний холимгоо асгаад үрж жижиглэсэн бяслагаа цацаад 15 минут болгоно.

 

Будаа, мөөгтэй хучмал

Орц:

• Будаа – 500 г
• Өндөг – 2 ш
• Хатуу бяслаг – 250 г
• Шампиньон мөөг – 500 г
• Сонгино – 2 ш
• Давс, перец

Хийх арга:

1. Давстай усанд будаагаа жигнэнэ.
2. Мөөг, сонгиноо жижиглэн хэрчинэ.
3. Халаасан тосонд эхлээд сонгиноо шараад дараа нь мөөгөө хийж шарна.
4. Будаагаа тал бяслагтайгаа холино.
5. Хучмал болгох хэвээ тослоод тал будаагаа хийж дээрээс нь сонгинотой шарсан мөөгөө хийнэ. Дээр нь үлдсэн будаагаа хийж үрж жижиглэсэн бяслагаа тарааж хийгээд мөөгөөр чимэглэнэ.
6. Шарах шүүгээнд 15 минут болгоно.